په غزې کې د شهیدانو شمیر څه دپاسه څوارلس زرو تنو ته ورسید
ایکنانیوز د الجزیره له قوله راپور راکړ، په غزې کې د فلسطین د حکومت د اطلاع رسونې دفتر په یوې خبرتیا کې ووئيل، د خبر ترمخابیره کیدا پورې په غزې د وحشي صهیونیستي رژيم په جنایتکارو حملو کې د شهیدانو شمیر څوارلس زره یو سل اته ویشت تنو ته رسیدلی چې په هغو کې پنځه زره اته سوه څلويښت ماشومان او د رې زره نهه سوه شل ښځې شاملې دي . ددغه دفتر په خبرتیا کې راغلی دي ، تردې دمه دبې درکه شوو او یا د کنډوالو لاندې کسانو شمیر هم کابو اوه زره ښودل شوی دی.
په دغې خبرتیا کې دغه راز راغلي دي ، په شهیدانو کې دطبی او درملنې دعملې دوه سوه پنځه کسان ، د مرستندویو ډلو ۲۲ کسان او دوه شپیته خبریالان هم شامل دي . همداراز تر دې دمه د ټپیانو شمیر څه دپاسه ۳۳ زره تنو ته رسیدلی چې کابو پنځه اویا فیصدي ئې ښځې اوا ماشومان دي .
د فلسطین د حکومت ددغه دفتر د خبرتیاپه اساس په دغو جنایتونو کې تر اوسه پور ۴۴زره کورونه ،په کلی یا جزئي ډول ړنګ شوي دي او دغه راز بیخ بینائي تاسیسات هم تقریبا په بشپړ ډول تباه شوي دي .
داپه داسې حال کې دي چې وروستی راپورونه ښئ دځينو هیوادونو په مینځګړیتوب سره د اور بند او د غه راز د بندیانو د مبادلې لپاره موافقه هم تر ډيره حده بشپړیدونکي ده او اسرائیل اور بند ته راضي شوي او د حماس غورځنګ شرطونه ئې تر ډ یره حده منلي هم دي .
